7 ধ্যান ও প্রনাম

শ্রীরাধিকার ধ্যান ও প্রনাম

শ্রীরাধিকার ধ্যান -

ওঁ তপ্তস্বর্ণপ্রভাং রাধাং সর্ব্বালঙ্কারভূষিতাম্‌।

নীলবস্ত্রপরীধানাং ভজে বৃন্দাবনেশ্বরীম্‌।।

প্রণাম -

নবীনাং হেমগৌরাঙ্গীং পূর্ণানন্দবতিং সতীম্‌।

বৃষভানুসুতাং দেবীং বন্দে রাধাং জগৎপ্রসূম্‌।। 

 

শ্রীকৃষ্ণের ধ্যান ও প্রনাম

শ্রীকৃষ্ণের ধ্যান -

ওঁ ফুল্লেন্দীবরকান্তিমিন্দুবদনং বর্হাবতংসপ্রিয়ং শ্রীবৎসাঙ্কমুদারকৌস্তুভধরং পীতাম্বরং সুন্দরম্‌। গোপীনাং নয়নোৎপলার্চ্চিততনুং গোগোপসংঘাবৃতং, কলবেনুবাদনপরং দিব্যাঙ্গভুষং ভজে।।

প্রণাম -

কৃষ্ণায় বাসুদেবায় হরয়ে পরমাত্মনে।

প্রণতক্লেশনাশয় গোবিন্দায়া নমো নমঃ।। 

 

মহিষমর্দ্দিনীর ধ্যান

ওঁ সব্যপাদসরোজেনালঙ্কৃতো মৃগাধিপাম্‌। বামপাদাগ্র দলিতমহিষাসুরনির্ভরাম্‌। সুপ্রসন্নতাং সুবদনাং চারুনেত্রত্রয়ান্বিতাম্‌। হার নূপুরকেয়ূরজটামুকুটমণ্ডিতাম্‌।। বিচিত্রপট্টবসনামর্দ্ধচন্দ্রবিভূষিতাম্‌।  খড়্গখেটকবজ্রাণি ত্রিশূলং বিশিখং তথা। ধারয়ন্তীং ধনুঃ পাশং শঙ্খং ঘন্টাং সরোরুহম্‌।। বাহুভির্ললিতৈর্দ্দেবীং কোটি-চন্ত্রসম-প্রভাম্‌। সমাবৃতৈর্দ্দিবিষদোইর্দ্দেবৈরাকাশসং স্থিতৈঃ। স্তুয়মানাং মোদমানৈর্লোকপালাদিভিঃ সদা। এবং সঞ্চিন্তয়েদ্দেবীং জয়তে নর-পুঙ্গবঃ। 

মঙ্গলচণ্ডীর ধ্যান

ওঁ ষৈষা ললিতকান্তাখ্যা দেবী মঙ্গলচণ্ডিকা।  
বরদাভয়হন্তা চ দ্বিভুজা গৌরদেহিকা।।  
রক্তপদ্মাসনস্থা চ মুকুটোজ্জলমণ্ডিতা।  
রক্তকৌষেয়বসনা স্মিতবক্ত্রা শুভাননা।
 নবযৌবনসম্পন্না চার্ব্বঙ্গী ললিতপ্রভা।।

কাত্যায়নীর ধ্যান

কাত্যায়নীর ধ্যান -

ওঁ গরুড়োপ্তপলসন্নিভাং মণিময়কুণ্ডলমণ্ডিতাম্‌। নৌমিভালবিলোচনাং মহিষোত্তমাঙ্গনিষেদুষীম্‌। শঙ্খচক্রকৃপাণখেটকবানোকার্ম্মুকশূল কাম্‌। তর্জ্জনীমপি বিভ্রতীং নিজবাহুভিঃ শশিশেখরাম্‌।।

বলদেবের ধ্যান ও প্রনাম

বলদেবের ধ্যান - ওঁ বলদেবং দ্বিবাহুঞ্চ শঙ্খকুন্দেন্দুসন্নিভম্‌। বামে হলায়ূধবরং দক্ষিণে মুষলং করে। হালালোলং নীলবস্ত্রং হেলাবন্তং স্মরেৎ পরম্‌।।

প্রনাম - নমস্তেহস্তু হলগ্রাহ নমস্তে মুষলায়ূধ। নমস্তে রেবতীকান্ত নমস্তে ভক্তবৎসল।। নমস্তে বলিনাং শ্রেষ্ঠ নমস্তে ধরণীধর। প্রলম্বারে নমস্তেহস্তু ত্রাহি মাং কৃষ্ণপূর্ব্বজ।। 

গোপালের ধ্যান ও প্রনাম

গোপালের ধ্যান -

ওঁ নবীননীরদশ্যামং নীলেন্দীবরলোচনম্‌।

বল্লভীনন্দনং বন্দে কৃষ্ণং গোপালরূপিণম্‌।।

প্রণাম

নীলোৎপলদশ্যামং যশোদানন্দনন্দনম্‌।

গোপিকানয়নানন্দং গোপালং প্রণমাম্যহম্‌।।

চণ্ডীর ধ্যান ও প্রনাম

চণ্ডীর ধ্যান - ওঁ বন্ধুককুসুমাভাসাং পঞ্চমূণ্ডাধিবাসিনীম্‌। স্ফূরচ্চন্দ্রকলা-রত্নমুকুটাং মূণ্ডমালিনীম্‌।। ত্রিনেত্রাং রক্তবসনাং পীনোন্নতঘটস্তনীম্‌। পুস্তকঞ্চাক্ষমালাঞ্চ বরদঞ্চাভয়ং ক্রমাৎ। দধতীং সংস্মরেন্নিত্যমুত্তরাম্নায়মানিতাম্‌।।

প্রনাম - জয় দেবি জগন্মাতর্জগদানন্দকারিণি। ধর্মার্থমোক্ষদে দেবি নিত্যং মে বরদা ভব।।

অগ্নির ধ্যান ও প্রণাম

অগ্নির ধ্যান - ওঁ পিঙ্গভ্রূশ্মশ্রুকেশাক্ষঃ পীনাঙ্গজঠরোহরুণঃ।। ছাগস্থঃ সাক্ষ সূত্রোহগ্নিঃ সপ্তার্ত্তিঃ শক্তিধারকঃ।।

প্রণাম - নমো নমস্তে ত্রিপুরারিচক্ষুষে, মখেশ্বরাণাং মখতামুপেয়ুষে।। চরাচরাণাং জঠরেষে স্থীয়তে ত্রিধাবিভক্তায় নমোহস্তু বহ্নয়ে।।

মহাকালের ধ্যান

ওঁ মহাকালং যজেদ্দেব্যা দক্ষিণে ধূম্রবর্ণকম্‌। বিভ্রতং দণ্ডখট্টাঙ্গৌ দংষ্ট্রাভীমমুখং শিশুম্‌।। ব্যাঘ্রচর্ম্মাবৃতকটিং তুন্দিলং রক্তবাসসম্‌। ত্রিনেত্রমুর্দ্ধকেশঞ্চ মুণ্ডমালাবিভূষিতম্‌। জটাভারলসচ্চন্দ্রখণ্ডমুগ্রং জলন্নিভম্‌।।

রক্ষাকালীর ধ্যান

ওঁ কৃষ্ণাং লম্বোদরীং ভীমাং নাগকুণ্ডলশোভিতাম্‌।  
রক্তমুখীং লোলজিহ্বাং রক্তাম্বরধরাং কটৌ।। 
 পীনোন্নতস্তনীমুগ্রাং মহানাগেন বেষ্টিতাম্‌। 
 শবস্যোপরি দেবেশীং তস্যোপরি কপালিকাম্‌।।
 নাসাগ্রধ্যাননিরতাং মহাঘোরাং বরপ্রদাম্‌।  
চতুর্ভূজাং দীর্ঘকেশীং দক্ষিণস্যোর্দ্ধবাহুনা।।
 বিভ্রতীং মলিনীমেকাং বামোর্দ্ধে পানপাত্রকম্‌।
 বরাভয়ধরাং দেবীমধস্তাদ্দক্ষবাময়োঃ।  
পিবন্তীং রৌধিরীং ধারাং পানপাত্রং সদাসবৈঃ।
 সর্ব্বসিদ্ধিপ্রদাং দেবীং নিত্যং গিরিনিবাসিনীম্‌।। 
 লোচনত্রয়সংযুক্তাং নাগযজ্ঞোপবীতিনীম্‌।
 দীর্ঘনাসাং দীর্ঘজঙ্ঘাং দীর্ঘাঙ্গীং দীর্ঘজিহ্বিকাম্‌।।
 চন্দ্রসূর্য্যাগ্নিভেদেন লোচনত্রয়সংযুতাম্‌। 
 মারীনাশকরীং দেবীং মহাভীমাং বরপ্রদাম্‌।। 
 ব্যাঘ্রচর্ম্মশিরোবদ্ধাং জগণ্ড্রয়বিভা-বিনীম্‌। 
 সাধকানাং সুখং কর্ত্রীং সর্ব্বলোকভয়াপহাম্‌।  
এবম্ভুতাং সদা কালীং রক্ষাদিং প্রণমাম্যহম্‌।।  

ভদ্রকালীর ধ্যান

ওঁ ক্ষুৎক্ষামা কোটরাক্ষী মসিমলিনমুখী মুক্তকেশী রুদন্তী, 
নাহং তৃপ্তা বদন্তী জগদখিলমিদং গ্রাসমেকং করোমি। 
হস্তাভ্যাং ধারয়ন্তী জলদনলশিখাসন্নিভং পাশযুগ্মং 
দন্তৈর্জম্বুফলাভৈঃ পরিহরতু ভয়ং পাতু মাং ভদ্রকালী।

শবরূপমহাদেবের ধ্যান

ওঁ শুদ্ধস্ফটিকসঙ্কাশং মহাকালং ত্রিলোচনম্‌।
 দিগম্বরঞ্চ দ্বিভূজং কালীপাদব্যবস্থিতম্‌।।  
ঊর্দ্ধলিঙ্গং মহাদেবং চন্দ্রচূড়ং সদাশিবম্‌।
 ধ্যায়েচ্চ পরমানন্দং দেব্যা বাহনমুত্তমম্‌।। 

কালীর ধ্যান

ওঁ শবারূঢ়াং মহাভীমাং ঘোরদংষ্ট্রাং বরপ্রদাম্‌। 
 হাস্যযুক্তাং ত্রিনেভ্রাঞ্চ কপালকর্ত্তৃকাকরাম্‌।।
 মুক্তকেশীং ললজিহ্বাং পিবন্তীং রুধিরং মুহুঃ।
 চতুর্ব্বাহুযুতাং দেবীং বরাভয়করাং স্মরেৎ। 

হনুমানের ধ্যান

ওঁ মহাশৈলং সমুৎপাট্য ধাবন্তং রাবণং প্রতি।
 তিষ্ঠ তিষ্ঠ রণে দুষ্ট ঘোররাবং সমুৎসৃজন্‌।
 লাক্ষারসারুণং রৌদ্রং কালান্তকযমোপমম্‌।। 
 জলদগ্নিলসন্নেত্রং সূর্য্যকোটিসমপ্রভম্‌।।  
অঙ্গদাদ্যৈর্মহাবীরৈর্বেষ্টিতং রুদ্ররূপিণম্‌।।

ইন্দ্রের ধ্যান

ওঁ পীতবর্ণং সহস্রাক্ষং বজ্রপদ্মকরং বিভূম্‌।

সর্ব্বালঙ্কারসংযুক্তং নৌমীন্দ্রং দিক্‌পতীশ্বরম্‌।।

শ্মশানকালীর ধ্যান

ওঁ অঞ্জনাদ্রিনিভাং দেবীং শ্মশানালয়বাসিনীম্‌ রক্তনেত্রাং মুক্তকেশীং শুস্কমাংসাতিভৈরবাম্‌।। 
 পিঙ্গাক্ষীং বামহস্তেন মদ্যপূর্ণং সমাংসকং। 
 সদ্যঃকৃত্তশিরো দক্ষহস্তেন দধতীং শিবাম্‌।। 
 স্মিতবক্ত্রাং সদা চামমাংসচর্ব্বণতৎপরাম্‌। 
 নানালঙ্কারভূষাঙ্গীং নগ্নাং মত্তাং সদাসবৈঃ।। 

তারার ধ্যান

ওঁ প্রত্যালীঢ়পদাং ঘোরাং মুণ্ডমালাবিভূষিতাম্‌।
 খর্ব্বাং লম্বোদরীং ভীমাং ব্যাঘ্রচর্ম্মাবৃতাং কটৌ।।
 নবযৌবনসম্পন্নাং পঞ্চমুদ্রাবিভূষিতাম্‌। 
 চতুর্ভূজাং লোলজিহ্বাং মহাভীমাং বরপ্রদাম্‌। খড়্গকর্ত্তৃসমাযুক্তসব্যেতরভূজদ্বয়াম্‌।  
কপালোৎপল-সংযুক্তসব্যপাণিযুগান্বিতাম্‌।।
 পিঙ্গাগ্রৌকজটাং ধ্যায়েন্মৌলিবক্ষভ্যভূষিতাম্‌। বালার্কমণ্ডলাকারলোচনত্রয়ভূষিতাম্‌।।
 জলচ্চিতামধ্যগতাং ঘোরদংষ্ট্রাং করালিনীম্‌।  
স্বাবেশস্মেরবদনাং স্ত্র্যলঙ্কারবিভূষিতাম্‌।। 
 বিশ্বব্যাপক তোয়াস্ত শ্বেতপদ্মোপরিস্থিতাম্‌।
 অক্ষ্যেভ্যো দেবীমূর্দ্ধন্যস্ত্রীমূর্ত্তিনাগরূপধৃক্‌।।

নীলকণ্ঠের ধ্যান

ওঁ বালার্কাযুততেজসং ধৃতজটাজুটেন্দুখণ্ডোজ্জ্বলং নাগেন্দ্রৌঃ কৃতশেখরং জপবটীং শূলং কপালং করৈঃ। 
 খট্টাঙ্গং দধতং ত্রিনেত্র-বিলসৎপঞ্চাননং সুন্দরং ব্যাঘ্রত্বক্‌পরিধানমব্জনিলয়ং শ্রীনীলকণ্ঠং ভজে।।

নৃসিংহের ধ্যান

ওঁ মাণিক্যাদ্রিসমপ্রভং নিজরুচা সন্ত্রস্তরক্ষোগণং, 
 জানুন্যস্তকরাম্বুজং ত্রিনয়নং রত্নোল্পসদ্‌ভূষণম্‌! 
বাহুভ্যাং ধৃতশঙ্খচক্রমনিশং দংষ্ট্রোগ্রবক্ত্রোল্পসজ্জ্বালাজিহ্বমুদারকেশরচয়ং বন্দে নৃসিংহং বিভূম্‌।। 

দধিবামনের ধ্যান

ওঁ মুক্তাগৌরং নবমণিলসদ্‌ভূষণং চন্দ্রসংস্থং, ভূঙ্গাকারৈ-রলকনিবহৈঃ শোভিতবক্ত্রারবিন্দম্‌। 
 হস্তাব্জাভ্যাং কণককলসং শুদ্ধতোয়াভিপূর্ণং দধ্যন্নাঢ্যং কণকচষকং ধারয়ন্তং ভজামঃ।।

বাসুদেবের ধ্যান

ওঁ বিষ্ণুং শারদচন্দ্রকোটিসদৃশং শঙ্খং রথাঙ্গং গদামম্ভোজং দধতং সিতাব্জনিলয়ং কান্ত্যা জগন্মোহনম্‌।
 আবদ্ধাঙ্গদহারকুণ্ডলমহামৌলিং স্ফূরৎকঙ্কণং, শ্রীবৎসাঙ্কমুদারকৌস্তুভধরং বন্দে মুনীন্দ্রৈঃ স্তুতম্‌।।  

রামের ধ্যান

ওঁ কালাম্ভোধরকান্তিকান্তমনিশং বীরাসনাধ্যাসিনং মুদ্রাং জ্ঞানময়ীং দধানমপরং হস্তাম্বুজং জানুনি। 
 সীতাং পার্শ্বগতাং সরোরুহকরাং বিদ্যুন্নিভাং ভাঘবং, পশ্যন্তং মুকুটাঙ্গদাদিবিবিধাকল্পোজ্জলাঙ্গং ভজে।। 

মহালক্ষ্মীর ধ্যান

ওঁ কান্ত্যা কাঞ্চনসন্নিভাং হেমগিরি প্রখ্যৈশ্চতুর্ভির্গজৈ র্হন্তোৎক্ষিপ্তহিরণ্ময়ামৃতঘটৈরাসিচ্যমানাং শ্রিয়ম্‌।
 বিভ্রাণাং বরমব্জযুগ্মমভয়ং হস্তৈঃ কিরীটোজ্জলাং ক্ষৌমাবদ্ধনিতম্ববিম্বললিতাং বন্দেহরবিন্দস্থিতাম্‌।।

হরিদ্রাগণেশের ধ্যান

ওঁ হরিদ্রাভং চতুর্ব্বাহুং হরিদ্রাবসনং স্মরেৎ।

পাশাঙ্কুশধরং দেবং মোদকং দণ্ডমেব চ।।

সুবচনার ধ্যান ও প্রনাম

সুবচনার ধ্যান -

ওঁ ধ্যায়েৎ সুবচনীং দেবীং শুভকর্ম্মপ্রদায়িনীম্‌।

শুভদাং মোক্ষদাং শুদ্ধাং সর্বাশুভনিবারিণীম্‌।।

প্রণাম -

শুভবাঞ্ছাপ্রদে নিত্যং সর্ব্বদা সুখবর্দ্ধিনী।

শুভকার্য্যেষু সর্ব্বত্র শুভং দেহি নমোহস্তুতে।।

ষষ্ঠীর ধ্যান ও প্রনাম

ষষ্ঠীর ধ্যান -

ওঁ গৌরাভাং দ্বিভুজাং ষষ্ঠীং নানালঙ্কার-ভুষিতাম্‌।  

সর্ব্বলক্ষণ-সম্পন্নাং পীনোন্নতপয়োধরাম্‌।।

 দিব্যবস্ত্রপরীধানাং বামক্রোড়ে সপুত্রিকাম্‌।  

প্রসন্নবদনাং ধ্যায়েজ্জগদ্ধাত্রীং সুখপ্রদাম্‌।।

প্রণাম -

জয় দেবি জগন্মাতর্জ্জগদানন্দকারিণি।

প্রসীদ মম কল্যাণি নমস্তে ষষ্ঠী দেবিকে।।

সরস্বতীর ধ্যান ও প্রনাম

সরস্বতীর ধ্যান -

ওঁ মুক্তাহারাবদাতাং শিরসি শশিকলালঙ্কৃতাং বাহুভিঃ স্বৈর্ব্ব্যাখ্যাং বর্ণাখ্যমালাং মণিময়কলসং পুস্তকং চোদ্বহন্তীম্‌। আরীনোত্তুঙ্গবক্ষোরুহভরবিলসন্মধ্যদেশামধীশাং, বাচামীড়ে চিরায় ত্রিভুবননমিতাং পুণ্ডরীকে নিষণ্নাম্‌।।

প্রণাম -

সরস্বতি মহাভাগে বিদ্যে কমললোচনে।

বিদ্যারূপে বিশালাক্ষি বিদ্যাং দেহি নমোহস্তু তে।।

শীতলার ধ্যান ও প্রনাম

শীতলার ধ্যান -

ওঁ শূর্পালঙ্কৃতমস্তকাং সুরগণৈঃ সংস্তুয়মানাং মুদা, বামে কুম্ভধরাং পয়োদবদনাং বন্দে খরস্থাং সদা। দিগ্বাসামুরুহাসসুন্দরমুখীং সম্মার্জ্জনীং দক্ষিণে, পাদৌ তাং দধতীং ভবার্ত্তিশমনীং সংসারবিদ্রাবিণীম্‌।।

প্রণাম -

ওঁ নমামি শীতলাং দেবীং রাসভস্থাং দিগম্বরীম্‌।

মার্জ্জনীকলসোপেতাং শূর্পালঙ্কৃতমস্তকাম্‌।। 

গঙ্গার ধ্যান ও প্রনাম

গঙ্গার ধ্যান -

ওঁ ধ্যায়েদ্‌ গঙ্গাং শুক্লবর্ণাং নানালঙ্কারভূষিতাম্‌।

চতুর্ভুজাং প্রসন্নাস্যাং ভূক্তিমুক্তিপ্রদায়িনীম্‌।।

প্রণাম -

ওঁ সদ্যঃপাতকসংহন্ত্রী সদ্যোদুঃখবিনাশিনী।

সুখদা মোক্ষদা গঙ্গা গঙ্গৈব পরমা গতিঃ।।

সুর্য্যের ধ্যান

ওঁ রক্তাম্বুজাসনমশেষগুণৈকসিন্ধুং ভানুং সমস্তজগতামধিপং ভজামি।

পদ্মদ্বয়াভয়বরান্‌ দধতং করাজৈর্মাণিক্যমৌলিমরুণাঙ্গরুচিং ত্রিনেত্রম্‌।।

প্রতিদিন প্রাতঃকালে পূর্বদিকে মুখ করিয়া ধ্যান করিতে হয় । তারপর সুর্য-অর্ঘ্য প্রদান করিয়া সুর্য্য প্রনাম করিতে হয় ।

 

শিবের ধ্যান

ওঁ ধ্যায়েন্নিত্যং মহেশং রজতগিরিনিভং চারুচন্দ্রাবতংসং, রত্নাকল্পোজ্জলাঙ্গং পরশুমৃগবরাভীতিহস্তং প্রসন্নম্‌। পদ্মাসীনং সমস্তাৎ স্তুতমমরগণৈর্ব্যাঘ্রকৃত্তিং বসানং, বিশ্বাদ্যং বিশ্ববীজং নিখিলভয়হরং পঞ্চবক্ত্রং ত্রিনেত্রম্‌।। 

ওঁ তৎপুরুষায় বিদ্মহে মহাদেবায় ধীমহি তন্নো রুদ্রঃ প্রচোদয়াৎ ওঁ।

 

গণেশের ধ্যান

ওঁ খর্ব্বং স্থূলতনুং গজেন্দ্রবদনং লন্বোদরং সুন্দরং, প্রস্যন্দন্মদ্গন্ধলুন্ধমধুপব্যালোলগণ্ডস্থলম্‌। দন্তাঘাতবিদারিতারি রুধিরৈঃ

সিন্দুর-শোভাকরং, বন্দে শৈলসুতাসুতং গণপতিং সিদ্ধিপ্রদং কর্ম্মসু।। 

 

নারায়ণের ধ্যান

ওঁ ধ্যেয়ঃ সদা সবিতৃমণ্ডলমধ্যবর্ত্তী, নারায়ণঃ সরসিজাসনসন্নিবিষ্টঃ।

কেয়ূরবান্‌ কণককুণ্ডলবান্‌ কিরীটা হারী হিরণ্ময়বপুর্ধ্বতশঙ্খচক্রঃ।।